Concept da traffic Grava Savognin - infurmaziun
A caschung d'ena occurrenza d’infurmaziun publica è nia preschento igl zarcladour 2025 igl concept da traffic previa an connex cun la construcziun nova dalla tgesa da scola primara a Savognin. Alla populaziun ins ò do alloura la pussebladad d’inoltrar alla suprastanza communala propostas e giaveischs davart igl concept da traffic planiso.
Diversas persungas e gruppaziuns on inoltro alloura propostas e giaveischs da migliuramaint. Chellas posiziuns ò la suprastanza communala tracto e risguardo tenor pussebladad aint igl concept da traffic.
Las infurmaziuns davart la situaziun actuala ed igls proxims pass an connex cun igl concept da traffic Grava, Savognin èn da cattar aint igl PDF agiunto sotvart.
La dumonda da credit per realisar las lavours da construcziun necessarias concernent la furma-ziun e sanaziun dallas veias aint igl conturn da Grava, Savognin, vign sottamessa alla radunanza communala digls 23 da favrer 2026 per l'approvaziun.
Tinizong, igls 3 da favrer 2026
Suprastanza communala