Cumpetenzas digl cumegn d'urna

Tenor la constituziun communala (art. 28) ò igl cumegn d'urna las suandontas cumpetenzas:

Igl cumegn d'urna eligia:

a) igl mastral
b) igls ulteriours commembers dalla suprastanza communala
c) igls commembers dalla cumischung da gestiun
d) igls commembers digl cunsegl da scola

Igl cumegn d'urna decida davart:

1. relascher e midar la constituziun communala;

2. lubeir expensas tgi surpassan las cumpetenzas finanzialas dalla radunanza communala;

3. cumprar, vender, barattar ed impinar bagns immobigliars scu er conceder u annullar oters dretgs reals limitos, schinavant tgi chels affars surpassan las cumpetenzas finanzialas dalla radunanza communala;

4. conceder e midar essenzialmaintg concessiuns per l’utilisaziun dall'ava ed exequeir igl dretg da scadenza agl senn dalla legislaziun concernent igl dretg dallas avas e conceder oters dretgs d'adiever spezial;

5. decider davart la fusiun cun oters cumegns politics;

6. decisiuns dalla radunanza communala, ancunter las qualas igl è nia inoltro igl referendum facultativ.