Projects da construcziun aint igl cumegn

Igl cumegn da Surses totga cun la sia surfatscha tar egn digls pi gronds cumegns dalla Svizra. Correspondentamaintg grond è igl volumen dallas investiziuns e sanaziuns dall’antiera reit dallas veias. Ultra da chegl posseda igl cumegn en inventari dad immobiglias lartg, tgi on da neir mantigneidas. Mintg’onn vignan investias ples milliuns ainten projects communals d’infrastructura.

La responsabladad da chels projects è sottamessa agl sectour Construcziun I Ovras I Energeia. Chel metta prioritads pertutgont igls projects ed elaborescha, a basa digl preventiv e dallas cundiziuns da basa, preprojects correspondents cun analisas da costs. Igl sectour Construcziun I Ovras I Energeia accumpogna igls projects davent dalla planisaziun anfignen tar la realisaziun, el cunseglia la suprastanza tar lour decisiuns e controllescha adegna puspe midadas da costs, qualitad e termins.

Urs Amstutz, manader Construcziun l Energeia l Ovras
nomra da tel. +41 81 659 11 96
 

Planisaziun digl territori

Cun la lescha dalla planisaziun digl territori ò la confederaziun mess sen meisa igl svilup digls territoris abitos. Abitadis duessan neir nizigias pi bagn e lour valour duess neir augmentada. Er igl cumegn da Surses è nia intimo da reveder la planisaziun locala.

A basa digl plan directiv cantunal e dalla revisiun dalla lescha davart la planisaziun digl territori èn igls cumegns digl cantun Grischun obliias, da mussar lour visiuns per en svilup digl territori ainten en maletg directiv communal spazial (MCS). En MCS è en instrumaint strategic tgi concretisescha las fegnameiras spazialas d’ena vischnanca. Cun ageid digl MCS sa fatschainta igl cumegn da Surses, an collaboraziun cun la populaziun, activamaintg digl svilup spazial a lunga vista. 

Marco Guetg, substitut digl manader
Nomra da tel. +41 81 659 11 68

Downloads:

• Maletg directiv spazial communal
• Strategia regiunala digl svilup digl li

Sectour da construcziun

Igl sectour Construcziun l Energeia l Ovras controllescha annualmaintg ples tschent dumondas da biagier, coordinescha la procedura per la permissiun da construcziun e survigilescha l’observanza dallas prescripziuns tenor la lescha da biagier. 

Per sclareir las cundiziuns da basa digl project da construcziun vign cunsiglia da piglier se contact schi spert scu pussebel cugl uffezi da biagier.  

Las dumondas da biagier vignan publitgeidas aint igl figl uffizial ed exponeidas uffizialmaintg durant 20 deis.

Marco Guetg, substitut digl manader
Nomra da tel. +41 81 659 11 68

Downloads:

• Figl d’infurmaziun – dumonda da biagier

Formulars e links:

• Dumonda da biagier electronica
• Dumonda da biagier simpla cumegn da Surses
• Dumonda da biagier cumegn da Surses
• Formular d'annunztga Solar
• Agiunta Radon
• Agiunta declaraziun da dismessa
• Formulars per ena lubientscha dalla pulizeia da fi
• Dumonda da colliaziun EW Surses
• Avis d'installaziun EW Surses
• Pustaziun current da biagier EW Surses
• Publicaziuns da biagier
• Leschas da biagier digl cumegn da Surses

Immobiglias ed indrezs turistics

Igl sectour Construcziun I Ovras I Energeia è responsabel pigl mantignamaint, l’affittanza e renovaziun d’en grond andomber d’atgnas immobiglias da scola ed administraziun scu er da bietgs culturals. Pinavant manainsa e dainsa a tschains ulteriouras immobiglias da finanzas, stabilimaints turistics e parcadis. Per tgi l'antiera infrastructura resta an en bung stand, ans occupainsa digl mantignamaint edifizial scu er dalla planisaziun d'investiziun a lunga vista. Nous procuragn tgi tot funcziunescha sainza incaps.

Andrea Collet, referendaria immobiglias ed indrez turistics
Nomra da tel.: +41 81 659 11 87

Reservaziuns dallas nossas localitads son neir fatgas angal sot igl link suandont: reservar.surses.ch

Dumondas dastgan neir drizzadas direct a reservaziun@surses.ch

Mantignamaint digls edifezis

Igl sectour Construcziun I Ovras I Energeia procura per la nattageda ed igl mantignamaint anfignen tar pitschnas reparaturas tar las differentas immobiglias da scola ed administraziun. Sper igl nattager totgan er la survigilaziun e la tgira digls indrezs tecnics scu er la tgira digl conturn digls edifezis tar igl sies pensums. Igls pedels funcziuneschan scu liom tar las differentas gruppas da nez, scola, uniuns, occurrenzas publicas u affittanzas, tgi dovran las localitads communalas.

Walter Gruber, manader mantignamaint digls edifezis
Nomra da tel.: +41 81 659 11 71

Reservaziuns dallas nossas localitads son neir fatgas angal sot igl link suandont: reservar.surses.ch

Dumondas dastgan neir drizzadas direct a reservaziun@surses.ch

Taxas dad ovras

Aint igl cumegn da Surses vign duvro ca. 30 GWh energeia ad onn (sainza Beiva). Tar l’ava vignan duvros ca. 320'000'000 liters. L’infrastructura dallas ovras digl cumegn s’extenda sur l’antiera val. Pigl mantignamaint vast dall’infrastructura vignan pretandeidas mintg’onn taxas. 

Igl sectour Construcziun I Ovras I Energeia ò l’obligaziun da dar a chint las taxas dad ovras ed igls chints digl current. Las taxas dad ovras pertotgan igl provedimaint d’ava, la dismessa d’ava persa e l’utilisaziun da rusment.

Eneda ad onn vignan ligias giu radond 4'500 dumbraders digl current e 1'800 dumbraders d’ava e preparos per dar a chint. Durant igl onn succedan alloura rendachints sen basa da midadas da fittadigns e midadas da mang.

Ainten la sparta electricitad luvragn nous an strètg contact cugl EWZ, tgi sustigna igl cumegn da Surses an funcziun da cunsegliaziun.

Gianes Netzer, manader taxas dad ovras
Nomra da tel.: +41 81 659 11 69

Taxas:

• Tariffas

Formulars:

• Avis d'installaziun EW Surses
• Dumonda da colliaziun tecnica EW Surses
• Formular pustaziun dumbraders digl current EW Surses
• Dumonda da colliaziun tecnica impianti elettrici Bivio

Ovras ARA

Nous procuragn per ava sobra. Aint igl intschess cumpiglia digl cumegn da Surses vignan manadas 5 sereneras. Chegl èn indrezs tecnics per la subrageda dad ava persa communala ed industriala. L’ava persa percorra ples pass da nattager (mecanics, biologics e chemics) e vign la fegn finala manada aint igl cres dall’ava naturala digl ragn Gelgia.  

Igl persunal da menaschi è responsabel per:

• travagl e mantignamaint digl antier implant (bietg, indrezs mecanics ed electrics)
• piglier ad ancunter ava persa da castas dad aclas
• controlla dalla glitta da serenera ed ava persa aint igl agen labor dalla Ara.
• tigneir aint prescripziuns legalas
• 24 ouras pichet

La furniziun dad ava persa da tualettas mobilas e castas dad aclas ò da neir annunztgeida igl de avant per telefon, perchegl tgi igl quantum da piglier ad ancunter è restranschea tot tenor capacitad ed ora.

Visitar l’Ara
La Ara Surses pò neir visitada da classas da scola ni da gruppas interessadas. La viseta è gratuita e cozza radond dus ouras.

Franz Carisch, manader ARA
Nomra da tel.: +41 81 684 15 55

Nomra d'urgenza ovra electrica Surses da tot taimp:

tel.: +41 58 319 69 71

(substituia digl ewz Grischun Central)

Tariffas

Taimps d'avertura per la dismessa da cadavers (ARA) a Cunter

• Glindesde anfignen venderde, mintgamai dallas 09.30 anfignen allas 11.30
• Ordvart chels taimps tenor cunvagnientscha per telefon (081 684 15 55)
• Tar cunsignas ordvart igl taimp da lavour (glindesde anfignen venderde, mintgamai dallas 07.30 anfignen las 12.00 e dallas 13.00 anfignen allas 17.30) vign adosso ena taxa da 50.00 fr.