Lubientschas da carar

Ins pò pustar las lubientschas da carar angal cun en formular electronic sot schalter.surses.ch. L’ampustaziun è pussebla angal per possessouras e possessours d’edifezis abitabels e betg abitabels sen aclas e da parcellas agricolas.

Dumondas pon neir drizzadas agls sarvetschs tecnics sot ovras@surses.ch

Auto da posta

Igl med da transport practic an Surses. Uraris retschevez tar Savognin turissem an Surses ni tar igls biros da posta.
Igl urari online cattez sot: www.postauto.ch

Bus Alpin

Igl Bus Alpin circulescha durant la staschung da stad dalla farmada da posta Sur e l'Alp Flex, la pale ota da muntada naziunala e "l'insla da scazi dalla varietad dallas spezias". Ultra da chegl è l'alp Flex en punct da partenza ideal per belas turas.

Costs per persunga e viadi: 10.– fr., unfants da 6 – 16 onns 5.– fr. ; cun la carta Ela 50% rabat.

Infurmaziuns ulteriouras ed urari: Bus alpin - Alp Flix

Veias da gôt

Sen las veias da gôt pò neir caro, cunter paiamaint dalla taxa da parcar neccessaria, tenor art. 11 dalla lescha per carar sen veias da fons, prada, gôt ed alps cun vehichels da motor. Igl è lubia da parcar angal sen igls parcadis signalisos.

Tot las infurmaziuns cattez vous cò.

Graztga ad en contract tranter igl cumegn da Surses ed la Corporaziun da Mobility on tot igls abitants e tot las abitantas da Surses la pussebladad da profitar dad en abunamaint gratuit da Mobility Plus.

Davent dad immediat stat a disposiziun tar la staziun da Casti en Skoda Enyaq 4x4 cumplet electric per piglier a tschains. Simpel e cumadevel da reservar sur la Mobilty-App.

Responsabel per la purscheida è Mobility, tgi so er rasponder a dumondas (tel. 0848 824 812).

Infurmaziuns ulteriouras cattez sot igls links suandonts:
Parc Ela
Mobility