Cumpetenzas dalla radunanza communala

La radunanza communala è tenor consituziun communala (art. 30) cumpetenta per:

1. relascher e midar las leschas communalas;

2. approvar igl preventiv ed igl rendachint communal scu er fixar igl pe da taglia;

3. decider davart expensas unicas anfignen ena somma maximala da fr. 4'000'000.00 ed anfignen maximal fr. 400'000.00 per expensas tgi sa repetan mintg'onn;

4. decider davart la concessiun d’amprests da tot gener;

5. piglier se novs amprests ed acceptar siertads da tot gener;

6. cumprar, vender ed impinar bagns immobigliars scu er conceder u annullar oters dretgs reals limitos, schinavant tgi chels affars surpassan betg la somma da fr. 4'000'000.00 e tgi la suprastanza è betg cumpetenta tenor art. 40 cefra 9;

7. decider davart la furmaziun da corporaziuns communalas u l'antrada an ena tala;

8. tractar e deliberar tot igls affars davart igls quals igl cumegn d'urna decida.