Energeia

Ena nateira e cuntrada culturala intacta è la nossa resursa la pi preziousa e la basa da veiver per las proximas generaziuns. Nous agiagn a moda ecologica e cun responsabladad. An chel connex vo igl cumegn davantor cun igl bung exaimpel.

Igl voss angaschamaint vign remunero aint igl rom dallas fegnameiras-2000-wat digl martgea da Turitg

Vous Az angaschez per en futur persistent? Chegl remuneragn nous gugent. Aint igl rom dallas fegnameiras-2000-wat digl martgea da Turitg sustignagn nous Vous finanzialmaintg cun contribuziuns da promoziun: Schi Vous produtgez electricitad u caleira or da funtangas regenerablas u schi realisez maseiras d'energeia effiziainta, nous ischan dalla parteida.

Siva da chest onn son e pon dumondas da promoziun digl ewz neir inoltradas sur la plattafurma online. Ultra da chegl stat a disposiziun en calculader da daners da promoziun, antras igl qual la somma da promoziun previsibla so neir chintada autonomamaintg (chella serva sulettamaintg alla examinaziun preliminara ed è betg lionta, decisivas èn las indicaziuns ainten la dumonda inoltrada)

Tot las infurmaziuns (er igl link digl calculader da promoziun e dalla plattafurma online per la dumonda da promoziun) èn da cattar sen la pagina d'internet suandonta: www.ewz.ch/förderbeiträge.

Scaldar sainza stress graztga agl telecumond

Tgi tgi reservescha en'abitaziun da vacanzas per las sias vacanzas d'anviern, dastga parteir digl fatg, tgi chella seia bel tgoda tar l'arrivada. La situaziun vign en po pi cumplitgeida, schi ins è responsabel sez pigl scaldar. Anfignen ossa èn neidas an dumonda surtot dus opziuns: u tgi ins ò redutgia la temperatura digl scoldamaint avant la partenza ed ins ò dumando ad ensatgi agl li dad eir a strubar anse ella puspe ad ouras avant la proxima arrivada u tg'ins ò simplamaintg laschea scaldar l'abitaziun veida sur divers meis. Tottas dus variantas èn collieidas cun stress u costs, surtot siva digl pi nov augmaint da prietsch digl ieli.

En sistem da scaldar cun telecumond savess esser fitg nizevel per Vous. Cun pacas midadas gartegia l'installaziun tar prest tot igls sistems da scoldamaint. La Val Surses e la nossa nateira veivan da chegl, tgi nous ischan proactivs ed agiagn cunsciaint persistent.

Per cass tgi igl tema è tar Vous segl radar, sa dattan per franc pussebladads per igls proxims pass. Sa participe alla concurrenza, cun defineir igls Voss basigns sot: MakeHeatSimple.ch/de/erste-schritte.

Infurmaziuns ulteriouras cattez er sot ela-energiewelt.ch.