Dismessa da Rusment e da cadavers
Dismessa da Rusment e da cadavers
Rusment ordinari
- La dismessa digl rusment ordinari succeda per antant ainten mintga vischnanca scu anfignen adacò; vot deir tgi las plazzas da rimnada ancunaschaintas vignan manadas anvant.
- An tot igls lis da rimnada uffizials digl cumegn pò neir dismess rusment ordinari digl tigneirtgesa, vèder, PET e beschlas d’aluminium. Tottas otras schorts da rusment òn da neir dismessas ainten las deponias.
- La dismessa da rusment costa. Igls satgs da rusment uffizials pon neir retratgas tigls madems lis da vendita scu anfignen ossa scu er tar la canzleia communala a Tinizong.
Deponias da rusment
Davos Fallung, Savognin
Ouras d’avertura: mesemda e sonda, mintgamai 13.30 - 17.00, pinavant venderde 16.00 - 19.00.
La suandonta roba vign pigleida ancunter sainza costs :
Cumpost, rusment verd, tgaglias, etc., metal, alu, vèder, PET, ieli da motors e da tigneirtgesa, toner da stampaders, palpieri e cartung (separo), rufids electronics, frestgeras, schalanteras, battareias digl tigneirtgesa, capslas da Nespresso
La suandonta roba vign pigleida ancunter cunter paiamaint:
Marcanzeia massitscha (CHF 0.50/kg)
Pneus d'autos (CHF 10.00/toc)
Pneus da camiuns e da maschinas agricolas (CHF 20.00/toc)
Battareias dad autos e da camiuns (CHF 10.00/toc)
Autos vigls (CHF 170.00/toc)
Beiva (luvratori communal)
Ouras d’avertura: gievgia, mintgamai 15.00 - 17.00.
Dismessa scu a Davos Fallung, cun excepziun dalla marcanzeia massitscha.
Prescripziuns spezialas:
- Palpieri vigl e cartung: ainten las deponias Davos Fallung e Beiva (gratuit) u cun igl sarvetsch da rimnada dalla posta (ancunter paiamaint). Igl sarvetsch da rimnada dalla posta na vign igl mument betg purschia ainten la vischnanca da Savognin.
- Vistgadeira viglia e calzers (separo): aint igls recipients per rimnada da vistgadeira spezials, tgi èn plazzos ainten las singulas vischnancas.
- Medicamaints: returnar tigl post da vendita.
- Marcanzeia massitscha: massas pi grondas da marcanzeia massitscha èn da dismetter sur las interpresas privatas da benas.
- Materias inertas e rusment da biagier: dismessa ainten la deponia « Artgaz » a Salouf. Preannunztga tar Linard Sonder, possessour dalla «deponia e tgava Artgaz GmbH» (tel. 078 600 21 12). Infos cattez sot www.deponia.ch.
- Chemicalias, colorants: eneda ad onn antras l’Associaziun per dismessa digl rusment digl Grischun Central AVM, Tgazzas (tel. 081 630 09 20). Igl termin vign publitgia aint igl figl uffizial digl cumegn da Surses.
Dismessa da cadavers
Taimps d’avertura dismessa da cadavers (serenera) a Cunter
- Glindesde anfignen venderde, mintgamai dallas 09.30 anfignen allas 11.30
- Ordvart chels taimps tenor cunvanientscha per telefon (081 684 15 55)
- Tar cunsignas ordvart igl taimp da lavour (glindesde anfignen venderde, mintgamai dallas 07.30 anfignen las 12.00 e dallas 13.00 anfignen allas 17.30) vign adosso ena taxa da 50.00 CHF
Scumando è:
- Da deponer, sutarar ed arder rusment da tottas schorts sen areals publics e privats.
- Da dismetter rusment tgi è nia caschuno ordvart igl territori digl cumegn da Surses.
- Da dismetter rusment an oters satgs tgi igls satgs da rusment uffizials.