Radunanzas communalas Surses - coordinaziun per pussebladad da transport

Igls 7 da favrer 2022 vign salvada la proxima radunanza communala a Savognin. L’invitaziun cun la glista da tractandas è neida tarmessa a tot las persungas cun dretg da votar.

Da vart dalla populaziun è nia intimo diversas gedas, tg’igl cumegn duess organisar mintgamai igl transport per las votantas ed igls votants dallas otras vischnancas tgi vottan sa participar allas radunanzas communalas a Savognin.

La suprastanza ò decidia da renunztgier all’organisaziun d’en tal transport. L’experientscha ò musso tgi igl «ageid da bunga vischinanza» funcziunescha per schort bagn aint igl noss cumegn e tgi la gliout è bunga da s’organisar sezza per igl viadi a Savognin alla radunanza communala ed anavos. Per cass tgi vess da dar tuttegna persungas tgi on nigna pussebladad da far igl viadi a Savognin, amprova igl cumegn da coordinar igl viadi an cuminanza.

Nous supplitgagn perchegl las persungas tgi on basigns d’en transport resp. las persungas tgi on plaz da piglier anc ensatgi cun els aint igl auto, da s’annunztgier mintgamai igl de dalla radunanza communala anfignen las 12.00 tar l’administraziun communala (telefon
081 659 11 60). Nous ischan premuros da coordinar igl viadi alla radunanza communala, schinavant tgi dat annunztgas da persungas tgi porschan la pussebladad da carar an cuminanza. Chella purscheida monta dantant betg, tg’igl cumegn seia obliia da porscher ena pussebladad da carar. L’organisaziun per sa participar alla radunanza communala resta venavant tgossa da mintga singula votanta e da mintga singul votant.

Nous supplitgagn da piglier cunaschientscha ed angraztgagn anticipadamaintg per la prontadad da porscher la pussebladad da transportar otras persungas cun auto alla radunanza communala.
 

Tinizong, igls 02-02-2022                                     
Suprastanza communala Surses

Radunanzas communalas

Practica pertutgont la spediziun dallas actas

La suprastanza communala ò decidia d’applitgier la practica suandonta an connex cun las actas per las radunanzas communalas:
da nov vign tarmess allas votantas ed agls votants angal anc igl attest da dretg da votar e l’invitaziun alla radunanza communala cun la glista da tractandas.
igl messadi e tot las otras actas allas radunanzas communalas vignan mintgamai angal anc mess sen la pagina d’internet digl cumegn (www.surses.ch\politica\radunanzas communalas).

Persungas cun dretg da votar tgi on betg la pussebladad da telecarger las actas digl internet u tgi giaveischan da survagneir talas mintgamai automaticamaintg ansemen cun l’invitaziun alla radunanza communala èn supplitgeidas d’annunztgier chegl alla canzleia communala (telefon 081 659 11 60 u e-mail info@surses.ch).

Cun chellas maseiras speragn nous da satisfar agls basigns dallas votantas e digls votants ed igl madem mument da spargner costs per stampa e palpieri.

Nous speragn sen Vossa tgapientscha.

Tinizong, 28-01-2020
Suprastanza communala Surses

Radunanza communala digls 30-11-2020 annullada

Cò cattez tots igls documents pertutgont la radunanza communala digls 30-11-2020

Radunanza communala digls 10-04-2017

Cò cattez tots igls documents pertutgont la radunanza communala digls 10-04-2017

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.