Carta digl de cumegn

Igl AGROLA TopShop (tancadi) a Casti  metta a disposiziun agls abitants / allas abitantas da nossa regiun - purto dalla Regiun Alvra - dus "cartas digl de Cumegn" impersunalas per la sagonda classa digls meds da transport publics.

Igl prietsch per ena carta digl de è 44.00 francs.

Cun chella purscheida dess neir contribuia alla promoziun digl traffic public. La carta digl de è valevla sen tot las lengias dalla Veiadafier Federala Svizra, Veiadafier Retica e dalla Posta, scu er dallas ples veiasdafier privatas concessiunadas e mettels da traffic urbans scu er tar  bleras interpresas da navigaziun an svizra. Per lengias privatas dad autobus e funicularas vign concedia per part reducziuns.

Infurmaziuns e compra:

Las cartas digl de pon, siva tgi èn neidas reservadas sot www.consum-as.ch, neir retratgas  tigl AGROLA TopShop a Casti durant las suandontas ouras:
glindesde - dumengia: 07.00 anfignen las 21.00

Las cartas digl de òn da neir retratgas ainfer 5 deis da lavour a parteir digl datum d’ampustaziun. Cartas reservadas, betg retratgas vignan messas a chint!

Reservaziun dalla carta digl de per internet www.consum-as.ch u an cass excepziunal directamaintg tar l'administraziun consum alvra-surses
(Tel. 081 681 12 02)

Lai Barnagn

Aint igl center da Savognin sa catta igl lai Barnagn cler scu en cristal. L'ava ò adegna ena temperatura ampernevla. Siva dad ena viandada ins pò cò sa sfardar stupent e lascher spirar igl de cun ena bunga liongia digl grill.

Unfants son betg angal sa nudar aint igl lai Barnagn mabagn er scurveir igl noss paradis da bogn dantant tgi igls genitours pon sa recrear sen igl pro ed on igls unfants adegna ainten îgl.

Kiosc lai Barnagn

Seid, fom u gost dad en bung glatsch? Amblido igl ageid da sa nudar u la crema da suglegl? Nign problem.
Agl kiosc agl lai Barnagn ins survign prest tot chegl tgi ans dovra per en de nunamblidabel.

Ouras d'avertura stad 2017
A parteir digls 13 da matg,  tot sagond l'ora, sainza speisas
A parteir digls 25 da matg, 10.00 - 17.00, cun speisas
A parteir digls 8 da fanadour, 09.00 - 19.00 Uhr, cun speisas
A parteir digls 20 d'avost, 10.00 - 17.00 Uhr, cun speisas

fegn dalla staschung igls 22 d'otgover 2017


Beach-Volleyball

Directamaintg agl lai Barnagn sa cattan igls plazs da beach volleyball, exactamaintg agl dretg li per sa sfardar siva dad en match da beach-Volleyball.
Igl indrez agl lai porscha 2 plazs da beach-Volleyball, tgi ans pò nizigier libramaintg. Ballas pon neir amprestadas agl kiosc per en depot.

Minigolf

Directamaintg agl lai Barnagn, igl lai da taimp liber e far bogn schea igl indrez da minigolf cun 18 rosnas.
Fista e ballas survignan unfants per frs 4.00 (cun la carta Ela frs 2.00) e carschias per frs 7.00 (cun la carta Ela per frs 4.00) agl kiosc.

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.