Exposiziun da cooperaziun publica revisiun totala dalla planisaziun locala
An applicaziun digl art. 13 dall’ordinaziun cantunala davart la planisaziun digl territori (OPTGR) ò li l’exposiziun da cooperaziun publica pertutgont la revisiun totala dalla planisaziun locala digl cumegn da Surses. A madem mument succedan las exposiziuns publicas digl maletg directiv da Surses cumpletto, dalla cunfinaziun statica digl gôt e digls biotops da muntada naziunala tenor inventar federal.
Plans da zonas e plans generals da furmaziun
Plans generals d’avertura traffic
Plans generals d’avertura provedimaint e dismessa
Object dalla revisiun parziala:
Revisiun totala planisaziun locala Surses
Actas d’exposiziun planisaziun locala:
- Lescha da biagier (incl. annexas 1-2)
- Plans da zonas e plans generals da furmaziun 1:2'000 (territoris abitabels, 9 plans)
- Plans da zonas e plans generals da furmaziun 1:10'000 (ulteriours territoris, 2 plans)
- Plans da zonas e plans generals da furmaziun 1:2'000 (zonas da mantignamaint)
- Plan general da furmaziun 1:2'000 (zona d’explotaziun Gneida)
- Plans generals d’avertura traffic 1:2'000 (territoris abitabels, 9 plans)
- Plans generals d’avertura traffic 1:10'000 (ulteriours territoris, 2 plans)
- Plan general d’avertura traffic 1:2'000 (zonas da mantignamaint)
- Plans generals d’avertura provedimaint e dismessa 1:2'000 (territoris abitabels, 9 plans)
- Plans generals d’avertura provedimaint e dismessa 1:10'000 (ulteriours territoris, 2 plans)
- Plan general d’avertura provedimaint e dismessa 1:2'000 (zonas da mantignamaint)
Basa:
- Rapport da planisaziun revisiun totala cun annexa (evaluaziun dall’examinaziun preliminara)
- Rapport da planisaziun Somtganttrail cun rapport digl ambiaint ed ulteriouras agiuntas
- Rapport da planisaziun explotaziun Gneida cun rapport digl ambiaint ed ulteriouras agiuntas
- Dumonda da runcar explotaziun Gneida: formular e fundamaint da plans (per infurmaziun)
- Model directiv digl territori communal (MDTC), cun cumplettaziuns per stand da planisaziun 2025
- Survista capacitad da zonas da biagier - stand legal e project dalla revisiun totala
- Plan d’infurmaziun davart la survista da anzonaziuns, rezonamaints e mobilisaziun da zonas da biagier Surses
- Tabella harmonisaziun gener dallas zonas da biagier e moda da construcziun tenor las reglas digl antier cumegn
- Inventari da biagier e glista da schurmetg protecziun tgira da monumaints, cun indicaziuns per la realisaziun aint igl plan general da furmaziun
- Plans d’infurmaziun traffic betg motoriso e taimp liber, basa realisaziun Masterplan Bike
- Sboz reglamaint dallas zonas da pôss per selvaschigna (vign relaschea dalla suprastanza communala)
- Project dalla revisiun parziala 24-06-2024, decisiun dalla regenza 20-01-2025 (luvratori communal Lecsch)
Termin d’exposiziun: 6 da zarcladour 2025 anfignen igls 21 da fanadour 2025 (45 deis)
Li e taimp d’exposiziun: Administraziun communala Tinizong ainten la scola viglia durant igls taimps d’avertura, pagina d’internet digl cumegn
Propostas ed objecziuns:
Durant igl taimp d’exposiziun dastga mintgign e mintgigna inoltrar an scretg (per posta) propostas ed objecziuns mutivadas alla suprastanza communala da Surses.
Particularitads
Model directiv digl territori communal cumpletto, MDTC
(exposiziun da cooperaziun publica):
L’exposiziun cuntigna a madem taimp l’exposiziun da cooperaziun publica digl model directiv digl territori communal (MDTC) pertutgont las cumplettaziuns digl stand da planisaziun d’utilisaziun 2025.
Nova cunfinaziun statica digl gôt (exposiziun publica da recurs):
Cun la revisiun succeda l’exposiziun publica dalla cunfinaziun statica digl gôt basignevla aint igl plan da zonas digl territori zona da biagier - gôt (art. 11 LCG/KWaG; art. 13 alinea 1 dalla lescha federala da gôt; LG/WaG), numnadamaintg pertutgont la surpigleida digls cunfegns digl gôt legals d’anfignen ossa, digls cunfegns digl gôt fixo da nov e digls cunfegns digl gôt annullos (tenor constataziun digl gôt 2025).
Recurs: durant igl taimp d’exposiziun pò neir fatg recurs an terma da 45 deis siva digl datum d’exposiziun cunter la nova cunfinaziun statica digl gôt e chegl an scretg cun proposta e mutivaziun tar igl Departamaint per infrastructura, energeia e mobilitad, Ringstrasse 10, 7001 Coira.
Inventaris federals, cunfinaziun biotops da muntada naziunala (audiziun):
An connex cun igls biotops da muntada naziunala ègl da risguardar tgi cun las fixaziuns dallas zonas per la protecziun dalla nateira e dallas zonas da lis sitgs, succeda la cunfinaziun exacta digls objects tenor art. 3 anfignen 5 dallas ordinaziuns davart igl schurmetg digls biotops dalla confederaziun. Tgi tgi ò en interess degn da protecziun, pò dumandar ena verificaziun digls fatgs davart la cunfinaziun tar igl Uffezi per la nateira ed igl ambiaint digl Grischun (UNA) e pretender ena decisiun da constataziun formala. Mussamaints eventuals, scu cartaziuns da vegetaziun, pareris professiunals u documaints sumigliaints on da neir agiuntos. L’exposiziun da cooperaziun preschainta vala scu audiziun conform allas ordinaziuns da schurmetg correspondentas dalla confederaziun.
Dumonda da runcar explotaziun Gneida (per infurmaziun):
La dumonda da runcar explotaziun Gneida vala scu infurmaziun. L’exposiziun ordinaria dalla dumonda da runcar tenor art. 8 dalla lescha cantunala davart igl gôt (LCG/KWaG) cun avertura digl taimp da recurs ò li pir pi tard parallel cun l’exposiziun da recurs davart la planisaziun locala tenor art. 101 alinea 1 dalla lescha davart la planisaziun digl territori per igl cantun Grischun (LPTGR). La publicaziun correspondenta vign a succeder a madem mument scu la publicaziun dalla votaziun communala davart la revisiun dalla planisaziun locala.
Tinizong, igls 4 da zarcladour 2025 Suprastanza communala Surses