Dumonda d’ampustar lubientschas da carar e parcar pert. aclas e parcellas agricolas sen igl territori digl cumegn

L’ampustaziun pertotga angal proprietari(a)s d’aclas (taragn cun bietg abitabel) resp. da parcellas agricolas (taragn cun u sainza bietg – betg abitabel). Igl è pussebel d’ampustar dalunga.

Igl rapport da basigns per ena parcella è d’inoltrar per e-mail u per posta cun igl formular disponibel sot www.surses.ch (Politik & Verwaltung  >  Formulare & Downloads). Lò on las proprietarias ed igls proprietaris da tscherner tranter acla (per mintg’acla son neir retratgas maximalmaintg 3 lubientschas) e parcella agricola (per mintga parcella agricola so neir retratga maximalmaintg 1 lubientscha).

An connex cun la nova lescha per carar sen las veias da fons, prada, gôt ed alps cun vehichels a motor aint igl cumegn da Surses (unificaziun da tot las leschas precedentas digls singuls cumegns) ò la suprastanza communala delibero en nov urden da tariffas. La taxa per la lubientscha da carar e parcar per proprietari(a)s da taragn è neida fixada sen CHF 60.00 per permissiun.


Savognin, igls 9 da mars 2023              Sarvetschs tecnics digl cumegn da Surses