Masterplan Bike
.jpg)
Igl Masterplan Bike serva scu mossaveia agl cumegn da Surses per sviluppar anavant la purscheida aint igl sectour da mountainbike. Igl Masterplan Bike è nia stgaffia igl onn 2019 sot la direcziun dad Allegra Tourismus GmbH. Ena gruppa da lavour dad indigens e sagonddimorants cun affinitad per velos ò coopero.
Las revelaziuns digl Masterplan Bike las pi impurtantas:
- La Val Surses ò en grond potenzial per ciclists da muntogna surtot antras igl boom aint igl sectour dad e-mountainbikes.
- La reit da trotgs existenta è vasta, extendeida ed attractiva.
- Las optimaziuns las pi impurtantas dalla purscheida existenta èn d’augmentar la qualitad digl mantignamaint, da migliurar la signalisaziun e las maseiras accumpagnontas scu passadis per velos, tignavelos, lavandareia per velos
- Tschintg novs projects da construcziun duessan cumplettar la purscheida existenta cun s’orientar allas gruppas an meira.
Sot igls downloads cattast ena resumaziun digl masterplan.
project da mossaveia
project da mossaveia
Ruta naziunala da mountainbike colliescha da nov Engiadin'ota e Val Surses sur igl Pass digl Gelgia
Ruta da bike e viandar sur igl Pass digl Gelgia da Beiva a Silvaplauna charrabla an tottas dus direcziuns. Persiva duess la ruta naziunala existenta digl schweizmobil nr. 1 neir sviada digl Pass digl Set sur igl Pass digl Gelgia.
Trails e planisaziun d'utilisaziun
Tschintg projects da construcziun novs duessan cumplettar la purscheida existenta conform a las gruppas da meira
Trail da Somtgant
Construcziun d'en trail da downhill tranter Somtgant e Tigignas. Blauer Trail für Familien und Fahrer*innen jeder Fähigkeitsstufe als Ergänzung zum Parnoz-Trail und zur Attraktivitätssteigerung des Sommerangebots.
Trail da Parnoz
Igl nov Parnoz Flowtrail colliescha Parnoz cun Savognin e porscha plascheir da carar cun current anmez cuntrada alpina. Cun igl sies percurs variont sera el ena largia impurtanta ainten la purscheida da mountainbike dalla regiun.
Gist tar igl lai da far bogn Lai Barnagn a Savognin sa catta en pumptrack cun kidstrack e plazza da skate scu er en parc da bike-skills.
Cugl trail tgi è nia fatg la stad 2022 tranter igl rampar da Marmorera e Sur, è la ruta digl schweizmobil d'anfignen ossa neida spustada davent dalla veia naziunala privlousa e fatg en pass impurtant vers ena ruta tgi colliescha la val da Casti anfignen Beiva.
Cun la planisaziun d'utilisaziun veias da bike e da viandar vot igl cumegn da Surses far frunt agl squitsch carschia da differentas gruppas d'utilisaziun sen la reit da veias ed evitar conflicts tranter turissem, tgatscha, forestalesser ed agricultura.
Gruppas da meira
Gruppas da meira
Tar chella gruppa totgan persungas tgi tschaintan – graztga agl e-bike -per l’amprema geda u siva da lung taimp puspe sen en velo. Chellas fon pacific, la fegnameira è pigl solit en punct panoramic, en’ustareietta da muntogna u tgi vottan explorar la cuntrada. La purscheida adattada per chella gruppa è la vasta reit da veias d’alp e da gôt existenta. Da grond’impurtanza è ena bunga signalisaziun.
Chella gruppa da ciclists è disada sen veias e sendas largias, giaveischa pero ena purscheida interessanta sen en tratg simpel, aint igl pumptrack u skillspark u l’ascensiun cumadevla cun las pendicularas. Igl plascheir dad eir cun velo ainten la nateira stat aint igl center.
Chella gruppa versada tschertga la provocaziun dad eir aval siva dalla muntada tg’ò fatg suar. Per chels ciclists stat l’activitad sportiva aint igl focus, l’aventura e l’excitaziun. Adegna pi savens èn da cattar er igls e-bikers ainten chella gruppa. Per els vala: ascensiun pitost pacifica, descensiun pero erta e varionta.
Dumondas e Raspostas
Dumondas e Raspostas
-
Tge fegnameiras ò igl Masterplan Bike?
-
Tge vign siva?
-
Quant costa l’elaboraziun digl masterplan? Ò Surses savia profitar da daners da promoziun?
-
Tgenegnas èn las rutas da highlight ainten la Val Surses?
-
Scu è naschia igl Materplan Bike?
-
Tgi ò fatg part alla gruppa da lavour per sviluppar igl Masterplan Bike?
-
Igl Masterplan Bike aint igl context general digl turissem