Activaziun d’en sarvetsch communal d’infurmaziun per SMS

Igls 25 d’otgover ò la radunanza communala approvo la lescha davart la protecziun dalla popu-laziun e mess tala an vigour per datum dalla conclusiun.
La lescha regla igls dueirs e las cumpetenzas tranter la suprastanza communala, igl stab directiv communal, igls pumpiers, la protecziun civila, igl spital scu er digls sarvetschs tecnics e d’ulteriours collaboratours dall’administraziun communala an cass d’evenimaints. Per dominar situaziuns spezialas ed extraordinarias ò igl stab directiv communal igl dueir d’alarmar ed orien-tar la populaziun cun ordinar eventualas directivas da cumportamaint.
Scu nov instrumaint da communicaziun nizegia igl cumegn per tala raschung en sarvetsch d’infurmaziun per SMS gratuit, per saveir infurmar la populaziun da moda sperta an cass d’evenimaints
Lez Vous neir infurmos an cass d’evenimaints cun ageid digl sarvetsch d’indurmaziun per SMS? Alloura tarmatte cun igl Voss telefonign igl suandont text alla nomra 076 601 22 55: START 7453Surses
Per annullar puspe chel sarvetsch d’infurmaziun per SMS pudez tarmetter cun igl Voss telefo-nign igl suandont text alla nomra 076 601 22 55: STOP 7453Surses
L’infurmaziun alla populaziun è ena maseira urgenta an cass d’evenimaints. Naturalmaintg vign la popoulaziun alarmada er venavant cun ageid digl alarm da sirena tar eventuals gronds eve-nimaints.
Ulteriouras infurmaziuns èn da cattar sot: www.surses.ch\siertad & sanadad\protecziun dalla populaziun.

Tinizong, igls 26-10-2021                    Suprastanza communala Surses

 

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.