Invitaziun alla preschentaziun «Surses 2030 - maletg directiv digl cumegn da Surses»

An tge direcziun duess sa sviluppar igl noss cumegn? Per rasponder a chella dumonda ò la suprastanza communala ansemen cun la populaziun e sagond-indigens elaboro igl maletg directiv Surses 2030.
Per preschentar las visiuns e maseiras tgi èn neidas elaboradas anveida la suprastanza communala la populaziun ed igls sagond-indigens ad en’occurrenza d’infurmaziun. Chella vign salvada venderde, igls 20 d’avost 2021, allas 20.00, an sala da cumegn Grava a Savognin.
En’invitaziun all’occurrenza d’infurmaziun è neida tarmessa a tot igls casals an Surses. Daple infurmaziuns èn da cattar sen www.2030.Surses.ch.
Nous speragn sen ena numerousa participaziun.

Tinizong, igls 3 d’avost 2021    Suprastanza communala Surses