Participaziun alla Allianza da taglia Alvra

Igl cumegn da Surses è siva digl 1. da schaner 2026 commember dall’Allianza da taglia Alvra. Cun la participaziun surpeglia l’Allianza da taglia differents pensums digl Uffezi da taglia communal precedent.

Tar igls pensums principals dall’Allianza da taglia totgan la taxaziun dallas taglias d’antrada e da facultad scu er dalla taglia federala directa da persungas naturalas da tot igls cumegns tgi èn commembers. Ultra da chegl magna ella igl register da taglia. Las taxaziuns succedan an incumbensa ed an strètga collaboraziun cun igl cumissariat da taglia cantunal a Coira.  

Igl incassamaint dallas taglias communalas scu er dallas taglias da midada da mang resta venavant tar igl cumegn da Surses.

Fegnameira dall’Allianza da taglia è da nizigier sinergeias e d’applitgier las resursas effiziaintamaintg.

Ulteriouras infurmaziuns ed indicaziuns da contact cattez Vous sot finanzas e controlling.