Invitaziun a seira d'infurmaziun davart igl hotel Cube a Savognin
La suprastanza communala da Surses anveida la populaziun ed otras persungas interessadas ad ena seira d’infurmaziun publica, mesemda, igls 11 da favrer 2026, allas 20.00, an Sala Grava a Savognin. Igl tema da chesta occurrenza è l’intenziun dalla suprastanza communala da cumprar igl hotel Cube incl. igl bietg dasperas. L’infurmaziun ò li an vista alla consultaziun preliminara digl affar antras la proxima radunanza communala cun deliberaziun per mangs digl cumegn d'urna Surses.
L’invitaziun all’occurrenza cun infurmaziuns pi detagledas vign tarmessa er a tot igls casals an Surses e publitgeida sen la pagina web digl cumegn.
La suprastanza communala supplitgescha da piglier cunaschientscha e spera sen numerousa participaziun.
Suprastanza communala Surses