Nov urari: Schlargiamaint dallas colliaziuns da seira e da notg an Surses
An connex cun la midada digl urari digls 14 da december 2025 vign schlargeda la purscheida da seira e da notg aint igl antier Surses. Da nov circuleschan bus dalla seira supplementars tranter Casti,Tinizong e Savognin ed i dat colliaziuns da notg permanentas davent da Coira cun colliaziun directa ainten la val. La contanschibladad dalla regiun vign migliurada uscheia considerablamaintg anfignen tard aint per la notg.
Igl schlargiamaint dalla purscheida rinforza la sierezza digl traffic, augmainta la qualitad da veiver dalla populaziun e promova l’attractivitad digl Surses per indigens e per giasts. I profiteschan cunzont igls giuvenils ed igls giovens carschias scu er igl traffic da sorteida, taimp liber e turissem.
Novas colliaziuns dalla seira
Bus 571 – Casti - Tinizong / Savognin
21:52 davent da Casti, staziun → 22:13 Tinizong, Tga Communala
22:52 a partir da Casti, staziun → 23:18 Savognin, Posta
Bus 182 – Tinizong / Savognin → Casti
22:17 davent da Tinizong, Tga Communala → 22:44 Casti, staziun
23:18 davent da Savognin, posta → 23:38 Casti, staziun
Novas colliaziuns da notg
Coira → Beiva (bus da clamada, reservaziun necessaria)
00:01 davent da Coira
01:22 Arrivada a Beiva, Posta
Beiva → Casti
01:20 davent da Beiva, Posta
01:53 Arrivada a Casti, staziun
Coira → Savognin
02:20 davent da Coira, plazza dalla staziun
03:31 Arrivada a Savognin, Posta
Igls bus dalla seira e dalla notg circuleschan mintgamai las notgs da venderde sen sonda e da sonda sen dumengia.
En project dalla giuventetna – per la regiun
Chest schlargiamaint vign or d'ena iniziativa dalla participaziun da giuvenils da Surses. Gio avant dus onns on inoltro giuvenils dalla val ena dumonda agl cumegn e siva alla regiun - cun la fegnameira da migliurar da moda persistenta la contanschibladad durant la notg. Tgi chest giaveisch è nia realiso ossa cun success, demossa an moda impressiunonta scu tgi process participativs pon manar a migliuraziuns concretas da l’infrastructura per tot la regiun.
Ulteriouras infurmaziuns digl urari
Per ulteriouras midadas tgi valan a parteir digls 14 da december 2025 vign ranviia agl urari online da la VFF.
Infurmaziuns davart la participaziun d’unfants e da giuvenils an Surses scu er igl rapport annual 2024/2025 (tudestg) digl "cumegn amei digls unfants" pon neir consultos online.