Midada persunala ainten l'administraziun communala Surses

Tar igl cumegn da Surses dattigl ena midada persunala tar la direcziun:
Igl canzlist actual Beat Jenal e sies substitut Giani Spinatsch barattan las rollas per igl 1. da schaner 2026.

A parteir da chest datum vign Giani Spinatsch a luvrar scu canzlist communal, dantant tgi Beat Jenal surpeglia agl avigneir la substituziun.

Chesta soluziun è optimala per igl cumegn, perchegl tg'igl canzlist actual pò po uscheia sustigneir sies successour anc anfignen sia planisada pensiun anticipada. Uscheia è garanteida la cuntinuitad giavischeida an chesta posiziun da clav impurtanta per igl cumegn da Surses.

La suprastanza communala angraztga a tots dus per lour grond angaschamaint e sa legra venavant sen la buna collaboraziun!

suprastanza communala