Avisader da qualitad Val Surses

Igl nov avisader da qualitad da la Val Surses è an funcziun.

Igl cumegn da Surses ò puspe fatg en pass an direcziun da la digitalisaziun e da la proximitad agls abitants: A parteir d'immediat stat a disposiziun igl nov avisader da qualitad Val Surses.

Cun chest sistem d’avisar digital pon las abitantas ed igls abitants scu er igls giasts da vacanzas transmetter an moda simpla e svelta giaveischs, observaziuns u donns an igl spazi public directamaintg a l'administraziun communala – e chegl da tottas ouras an moda nuncumplitgida.

Seia chegl l'illuminaziun da veias defecta, donns ve da sendas da viandar u oters mancos an igl territori communal – cun igl avisader da qualitad è la communicaziun eliminada cun pacs clics. Fotografias ed indicaziuns digl li pon neir transmessas directamaintg sur igl sistem, chegl simplifitgescha ed accelerescha l'elavuraziun e la persecuziun.

Igl cumegn da Surses anveida tot igls abitants ed igls giasts da duvrar activamaintg igl avisader da qualitad e da contribueir uscheia a la qualitad da veiver ed a la sierezza an nossa regiun.

Igl avisader da qualitad cattèz vous da mang sanester sen la pagina www.surses.ch ni cò.

Ansemen per en Surses tgiro e tgi funcziunescha – angraztg per Voss ageid!