Nov sarvetsch d'infurmaziun an cass d'urgenza: sa registrar ossa da nov

Igl cumegn da Surses ramplazza igl sarvetsch d'urgenza per SMS d'anfignen ossa cun la plattafurma cantunala Info Gemeinden GR. Per tgi Vous vignas infurmo/infurmada er venavant an moda sperta e fidada an cass d'en evenimaint - p.ex. tar ena rottadeira da beischels, en'interrupziun digl current electric u tar ena situaziun da crisa pi gronda scu tar ena bova, ava gronda u ena lavegna - ègl necessari da sa registrar da nov.

• Uscheia funcziuneschigl: Az registre cun igl Voss nomer da telefonign pigl Voss li da domicil sot infogemeinden.gr.ch.

Igl sarvetsch per SMS d'anfignen ossa (registraziun cun «START 7453Surses») vign mess ord funcziun sen igls 30-09-2026. Persungas gio registradas na vignan betg surpigleidas automaticamaintg - ena nova registraziun sen la nova plattafurma è indispensabla per tgi la communicaziun funcziunescha er venavant an cass d'en evenimaint.