Donns da malora aint igl gôt – lavours da rumageda currentas ed eventualas bloccadas da veias

Igl stampro digls 31 da fanadour 2026 ò srischia numerousas plantas aint igl cumegn da Surses e caschuno donns considerabels aint igl gôt. Igl sarvetsch forestal examinescha igls proxims meis tot las veias da viandar, da gôt e d'alp scu er veias aint igl territori communal e repara igls donns tgi èn resultos, per part er cun sustign da helicopters. Durant chellas acziuns ègl d'evitar absolutamaintg la zona pertutgeida ed ins stò observar las bloccadas e las instrucziuns digl persunal forestal agl li. Cunchegl tgi las lavours succedan cuntinuadamaintg e la dirada dallas singulas acziuns n'è betg fixada ordavant, n'ègl betg pussebel da far ena planisaziun precisa. Perchegl ègl da chintar da tot taimp cun bloccadas da singulas veias a curta vista.

Per dumondas stat igl sarvetsch forestal digl cumegn da Surses gugent a disposiziun, mademamaintg er igl biro turistic a Savognin.

Nous angraztgagn per la Vossa tgapientscha e pazienztga.

Sarvetsch tecnic 
Sarvetsch forestal Surses
Ruegna 22 
7453 Tinizong 
telefon +41 81 659 11 82
telefonign +41 79 399 53 31