Reparaziun dalla veia da gôt Tinizong–Pensa e veias da gôt Val d'Err

A parteir digls 3 d'avost 2026 repara igl cumegn da Surses la veia da gôt tranter Tinizong e Pensa scu er las veias da gôt da Pensa a Plaz la Lagna e La Pale (Val d'Err). L'avertura existenta è da gronda impurtanza per igl gôt da protecziun, per las alps, per las aclas e per differents implants d'infrastructura. Donns ve da scarpas, meirs da sustign, drenaschas e veias rendan necessaria la reparaziun.

Las lavours cumpeglian la sierada da scarpas e dad ours dallas veias, la sanaziun da meirs da sustign, la renovaziun digls indrezs da drenascha scu er la restauraziun da tratgs da veias donnageas – tot ainfra igls indrezs da veias existents, sainza midar las largezzas dallas veias u las utilisaziuns.

Durant las lavours pògl dar per part restricziuns da traffic e bloccadas temporaras. Igl cumegn da Surses infurmescha cuntinuadamaintg davart igl progress dallas lavours ed igls tschancungs pertutgias.