Scumond absolut da far fi ordvart igl territori d'abitadi

Perveia dalla setgira cuntinuonta vala aint igl cumegn da Surses a parteir da marde, igls 28 da fanadour 2026, allas 12.00, en scumond absolut da far fi sen igl antier territori communal ordvart igl territori d'abitadi. Igl spazi d'abitadi cumpeglia tot las zonas da biagier cun vigour legala scu er surfatschas betg anzonadas, cumplettamaintg circumdadas da zonas da biagier.

Igl scumond da far fi vala er per fugnas fixadas scu er per territoris d'aclas e tgamonas d'alp. Scumando ègl er da far fis sen igls ots scu er da lascher arder da tottas sorts fis artifizials, er tals tgi n'èn betg pertutgias digl scumond da fis artifizials.

En'excepziun digl scumond vala per grils da gas e grils electrics sen fons franc e sot survigilaziun permanenta, cunchegl tgi dat cò nignas sbrenslas. Ordvart igl spazi d'abitadi èn lubeidas ultra da chegl pussebladads da cuschinar cun lenna ainfra bietgs, schinavant tgi chellas èn collaudadas dalla pulizeia da fi; chegl vala pero betg sen plazs da seser e terrassas.

Igl scumond da far fi vala anfignen tar la revocaziun. Dalla carta da prievels actuala digl cantun Grischun ins pò piglier invista cò.