Seira d'infurmaziun davart las fossas communablas

An connex cun la realisaziun dallas fossas communablas an tot las vischnancas digl cumegn da Surses vign organisada ena seira d'infurmaziun per la populaziun. L'occurrenza ò li marde, igls 8 da fanadour 2025, allas 20.00, aint igl bietg polivalent a Bivio.

Igl cumegn infurmescha davart la realisaziun planisada dallas fossas communablas sen igls singuals santieris e davart igl urari da realisaziun. Agl senn d'ena consultaziun vign do alla populaziun durant en termin da 30 deis siva la seira d'infurmaziun (digls 9 da fanadour anfignen e cun igls 10 d'avost 2025) la pussebladad d'inoltrar alla suprastanza communala an scretg propostas e giaveischs mutivos an connex cun la realisaziun dallas fossas communablas. Chegl cugl intent da canoscher l'opiniun dallas abitantas e digls abitants, avant tgi realisar las fossas communablas.

Savognin, igls 25 da zarcladour 2025, Sarvetschs Tecnics Surses