Decisiuns dalla radunanza communala Surses

La radunanza communala Surses digls 16 da zarcladour 2025 ò

• decidia cun 46 vouschs cunter 1 vousch da metter CHF 3'000'000.00 ainten la prefinanziaziun (capital agen) pigl project “construcziun nova dalla tgesa da scola primara” a Savognin;
• decidia unanimamaintg d’approvar igl chint annual 2024, tgi consista da bilantscha, chint economic, chint d’investiziuns, chint dalla circulaziun digls daners ed agiunta. Siva cudischaziun dalla prefinanziaziun menziunada soura per la tgesa da scola sera igl rendachint cun en surple d’antradas da CHF 1'673'219.00. Las investiziuns bruttas montan a CHF 10'264'711.00 (investiziuns nettas CHF 8'258'841.00);
• piglia cunaschientscha digls divers rendachints davart igls projects d’investiziun digl cumegn terminos igl 2024;
• piglia cunaschientscha dallas infurmaziuns digl cunsegl administrativ dalla Center da Sanadad Savognin SA davart igl stadi dallas lavours concernent l'elaboraziun dalla nova strategia d'interpresa;
• piglia cunaschientscha da diversas infurmaziuns.

Igl protocol dalla radunanza communala digls 16 da zarcladour 2025 ò da neir publitgia igl pi tard en meis siva la radunanza cun en termin d’exposiziun da 30 deis. Igl termin d’exposiziun exact vign communitgia a taimp util aint igls figls uffizials digl cumegn.

Tinizong, igls 16 da zarcladour 2025, Suprastanza communala Surses