Cumegn d’urna Surses digls 18 da matg 2025

Igls 18 da matg 2025 ò li la votaziun all’urna digl cumegn da Surses concernent l’approvaziun digl credit per realisar la veia da velos e da viandar «Juliertrail».

L’urna è messa se an canzleia communala a Tinizong scu suonda:

• digls 12 anfignen igls 16 da matg 2025, durant las ouras da spurtegl ordinarias
• dumengia, igls 18 da matg 2025, dallas 10.00 anfignen allas 10.30

La votaziun per correspondenza è betg valevla, schi:

• igl attest da votar mantga ni è betg sottascretg;
• igl cuvert da rasposta è betg saro;
• igl cuvert da rasposta cuntigna daple cuverts cun cedels da votar tgi attests da votar.

Votantas e votants tg’òn betg anc survagnia igls cedels da votar, pon ratrer chels an canzleia communala.