Igl cumegn Surses meida tar la cassa da pensiun digl Grischun (PKGR)
Igl cumegn Surses e sies persunal èn sa decidias communablamaintg da midar la cassa da pensiun. Sper la magistraglia èn tot las collaboratouras e tot igls collaboratours communals sieros a parteir digl 2025 tar la PKGR.
Cun la reuniun dalla prevenziun professiunala tar la PKGR sottastretga igl cumegn da Surses fusiuno siva digl 2016 sia responsabladad pigl tractamaint egual da sies persunal. Graztga a la miglra schliaziun da prevenziun augmainta igl cumegn ultra da chegl sia attractivitad scu patrunga da lavour. Bungas prestaziuns dalla cassa da pensiun cun las pussebladads d'eliger sez èn en argumaint impurtant per gudagner nov persunal e per las collaboratouras ed igls collaboratours existents.
Cun la midada tar la PKGR po tot igl persunal digl cumegn da Surses profitar dallas contribuziuns da spargn pi otas a parteir digl 2025. Ultra da chegl procura en model da participaziun sportiv tg’igls dabungs da spargn vignan tschainsos a moda attractiva. Las tariffas da conversiun reglementaras e las ulteriouras basas fundamentalas dalla PKGR èn fixadas a moda correcta digl punct da vista d'assicuranza, uscheia tgi na resultan nignas redistribuziuns cuntrarias agl sistem. La PKGR è stabila, finanzialmaintg ferma e sieira e pronta pigl avigneir.
An la tga communala a Tinizong on igl mastral Daniel Wasescha ed igl directour Andrea Seifert sottascretg igl nov contract d'affiliaziun. Tots dus sa legran da pudeir extender la relaziun da partenadi e da collavurar cun success a favour digl persunal communal.
La PKGR benevainta cordialmaintg las novas persungas sieradas e las persungas tgi reteiran rentas da Surses!
