Nova purscheida «Carta digl de a prietsch redutgia Cumegn»

La «Alliance SwissPass» ò lantschea igl nov product «Carta digl de a prietsch redutgia Cumegn» per igl 1. da schaner 2024. La nova purscheida ramplazza igl sistem d’anfignen ossa dalla «Carta digl de Cumegn». Cun la nova «Carta digl de a prietsch redutgia Cumegn» vign emessa ena carta digl de persunalisada a prietsch redutgia (prenom, nom, data da naschientscha) per igl traffic public. La carta digl de a prietsch redutgia n’è betg transmissibla. Ella vala aint igl camp d’applicaziun digl abunamaint general (GA).

Igl cumegn da Surses porscha a parteir digls 3 da Zarcladour la pussebladad da far diever da chella purscheida.

Compra

La compra succeda directamaintg ed exclusivamaintg agl spurtegl digls sarvetschs d’abitant(a)s a Tinizong. Reservaziuns per telefon ni mail èn betg pusseblas. Igl è pussebel da reservar seis meis ordavant anfignen igl pi tard en de avant igl viadi, schinavant tg’igl contingent n’è betg exaust. Sot www.spartageskarten-gemeinde.ch so la disponibladad neir controllada, pustaziuns direct online èn pero betg pusseblas.

La carta digl de a prietsch redutgia per igl traffic public vign cunsigneida ad abitant(a)s, possessour(a)s da sagondas abitaziuns e giasts digl cumegn da Surses. Per la retratga èn da preschentar la carta d’identitad ed eventualmaintg igl abunamaint da mesa taxa.

En barat dalla carta digl de a prietsch redutgia u ena restituziun digl prietsch da compra èn pussebels angal an cass excepziunals absoluts, scu er cunter ena participaziun agls costs da CHF 10.00.

Prietschs

La «Carta digl de a prietsch redutgia Cumegn» stat a disposiziun an dus scalems da prietsch per la 1. e 2. classa cun u sainza mesa taxa. Igl import vign paea agl li ve digl spurtegl digls sarvetschs d’abitant(a)s cunter paiamaint contant u cun ena metoda da paiamaint per assegn. 

• 2. classa cun mesa taxa       Fr. 39.-*  /  Fr. 59.-**
• 2. classa sainza mesa taxa  Fr. 52.-*  /  Fr. 88.-**
• 1. classa cun mesa taxa       Fr. 66.-*  /  Fr. 99.-**
• 1. classa sainza mesa taxa  Fr. 88.-*  /  Fr. 148.-**

* Scalem da prietsch 1: anfignen max. 10 deis avant igl de da viadi
** Scalem da prietsch 2: anfignen max. 1 de avant igl de da viadi

Daple infurmaziuns cattez sot www.spartageskarte-gemeinde.ch

Tinizong, igls 30 da matg 2024                                  Canzleia communala Surses