Cumegn d’urna Surses digls 21 da schaner 2024
Igls 21 da schaner 2024 ò li ena votaziun all’urna digl cumegn da Surses cun igls suandonts projects communals:
Dumonda dall’Ovra electrica digl martgea da Turitg (ewz) da renovar las concessiuns digl dretg dallas avas existentas per las ovras electricas Tinizong e Nandro
Credit d’impegn da CHF 21'870'000.00 per la construcziun nova dalla tgesa da scola primara Grava a Savognin incl. la sanaziun parziala digl edifezi polivalent (project scola)
Proposta supplementara (sot la resalva dall’approvaziun digl project scola):
Credit d’impegn da CHF 2'050'000.00 per la construcziun d’ena halla da parcar an cumbinaziun cun la construcziun nova dalla tgesa da scola primara
L’urna è exponeida suandontamaintg:
Tga communala, Veia Cantunala 57, Tinizong
-digls 15 anfignen igls 19 da schaner 2024, durant las ouras da spurtegl ordinarias
-la dumengia, igls 21 da schaner 2024, dallas 10.00 anfignen las 10.30
Dretg da votar a Surses (art. 8 constituziun communala)
Igl dretg da votar an fatgs communals on las las persungas svizras domicilieidas aint igl cumegn scu er las persungas digl exteriour, tgi disponan d’ena lubientscha da domicil C, abiteschan ed èn annunztgeidas sainza interrupziun an total aglmanc 5 onns aint igl cumegn da Surses.
Igl material da votar è nia tarmess a tot las persungas cun dretg da votar. Persungas cun dretg da votar tgi on per sbagl betg retschet igl material da votar, èn supplitgeidas da s’annunztgier agl spurtegl digls sarvetschs d’abitants per retrer la documentaziun.
Tinizong, igls 8 da schaner 2024 Canzleia communala Surses