Invitaziun ad occurrenza d’infurmaziun pertutgont igl project “Nandro Solar”

Igl cumegn da Surses ansemen cun igl ewz (Ovra electrica digl martgea da Turitg) anveida ad en’occurrenza d’infurmaziun publica per preschentar igl project “Nandro Solar”, tgi prevei la realisaziun d’en implant fotovoltaic otalpin sen ples surfatschas cunfinantas agl territori da skis a Radons.

L’occurrenza vign salvada marde, igls 24 d’otgover 2023, allas 20.00, an Sala Grava a Savognin.

Igls responsabels da project digl ewz ansemen cun la suprastanza communala preschaintan igl project e stattan alla fegn dalla preschentaziun a disposiziun per rasponder ad eventualas dumondas. Durant igl aperitiv tgi vign offeria siva l’occurrenza dattigl en’ulterioura pussebladad per en barat cun igls responsabels digl project.

Anvidada è l’antiera populaziun digl cumegn da Surses e tot las persungas cun proprietad funsila an noss cumegn. En’annunztga n’è betg necessaria.

L’invitaziun all’occurrenza d’infurmaziun vign tarmessa er anc an furma d’en figl sgulont a tot igls casals. Ella vign er activada sen www.surses.ch.

Nous supplitgagn da piglier cunaschientscha e speragn sen numerousa participaziun.

Tinizong, igls 10-10-2023, Suprastanza communala Surses