Decisiuns dalla radunanza communala Surses

La radunanza communala Surses digls 24 d’avregl 2023 ò

• delibero cun 54 cunter 2 vouschs la revisiun parziala dalla constituziun communala per mangs dalla votaziun all’urna cun proponer l’approvaziun e messa an vigour;
• approvo cun 45 cunter 13 vouschs la lescha d’indemnisaziun per igls commembers e las commembras dallas autoritads e cumischungs digl cumegn da Surses e da la metter an vigour sen igl 1. da schaner 2024;
• approvo cun 56 vouschs e sainza cuntervousch igl credit supplementar da CHF 560'000.00 tar igl credit brut da CHF 800'000.00 gio approvo igls 7 da december 2021 per renovar la Punt Mulegn a Parsonz. Igl madem mument vign la suprastanza incumbensada cun l’execuziun;
• piglia cunaschientscha da diversas infurmaziuns.

Igl protocol dalla radunanza communala digls 24 d’avregl ò da neir publitgia igl pi tard en meis siva la radunanza cun en termin d’exposiziun da 30 deis. Igl termin d’exposiziun exact vign communitgia a taimp util aint igls figls uffizials digl cumegn.

Tinizong, igls 25 d’avregl 2023                                  Suprastanza communala Surses