Prolungaziun dalla zona da planisaziun
Sa basond sen art. 21 dalla lescha davart la planisaziun digl territori digl cantun (LPT), ò la suprastanza communala relaschea igls 14 da favrer 2019 e prolungo igls 21 da december 2020 per igl antier territori communal ena zona da planisaziun. A caschung da sia seduta digls 9 da schner 2023, ò la suprastanza communala decidia da prolungar la zona da planisaziun anc eneda per 2 onns anfignen igls 25 da favrer 2025.
Fegnameiras dalla planisaziun:
a) Examinaziun ed adattaziun dallas zonas da biagier (zonas d'abitar, zonas masdadas e zonas da center) correspondent allas prescripziuns digl art. 15 alinea 1 e 2 LPT scu er digl plan directiv cantunal – abitadi (PDCant-A), decidia igls 20 da mars 2018.
b) Realisaziun dallas ulteriouras directivas digl art. 15 LPT scu er digl PDCant-A, spezialmaintg concernent la promoziun d'en svilup da construcziun d'ota valour digls abitadis vers igl intern.
c) Adattaziun dallas prescripziuns communalas davart la construcziun d'ampremas e sagondas abitaziuns alla lescha federala davart las abitaziuns secundaras (LAS) scu er la revisiun da determinaziuns cumplementaras, spezialmaintg er concernent abitaziuns an connex cun interpresas d'alloschamaint organisadas (art. 8 LAS) e novas abitaziuns ainten edifezis protegeas e caracteristics pigl li (art. 9 LAS).
La zona da planisaziun cumpeglia igl antier territori communal.
Igl departamaint d’economia publica e fatgs socials ò concedia cun l’ordinaziun digls 24 da schner 2023 (optigia la communicaziun igls 20 da mars 2023) alla prolungaziun dalla zona da planisaziun.
Ainten la zona da planisaziun dastga neir principo navot tgi savess angrevager la nova planisaziun u tgi savess esser cuntrari a tala. An spezial dastgan projects da construcziun angal neir lubias, schi na cunterfon ni allas planisaziuns tgi èn an vigour ni allas planisaziuns preveidas e prescripziuns novas (art. 21 alinea 2 LPT).
La suprastanza communala sa resalva igl dretg da concretisar da tot taimp la zona da planisaziun conform agl stadi da planisaziun actual, respectivamaintg d'adattar agl stadi da planisaziun mintgamai actual.
Cunter la prolungaziun dalla zona da planisaziun so neir recurria an terma da 30 deis siva digl datum dalla publicaziun tar la regenza digl cantun Grischun (art. 101 LPT).
Tinizong, igls 30 da mars 2023 Suprastanza communala Surses