Invitaziun alla radunanza communala Surses digls 27 da mars 2023

Glindesde, igls 27 da mars 2023, allas 20.00, vign salvada ena radunanza communala ainten la Sala Grava a Savognin.

L’invitaziun è neida tarmessa a tot las votantas e tot igls votants ainfer igl termin fixo.

Protocol dalla davosa radunanza communala
Igl protocol dalla radunanza communala digls 12 da december 2022 è sto exponia digls 10 da schaner cun ed anfignen igls 8 da favrer 2023 per invista agl spurtegl dall’administraziun communala a Tinizong. Ultra da chegl è igl protocol er sto publitgia sen la pagina d’internet digl cumegn. Durant igl taimp da publicaziun da 30 deis èn neidas inoltradas nignas protestas cunter igl protocol menziuno soura, uscheia tgi chel vala scu approvo.

Actas pertutgont la radunanza communala
Igl messadi e las actas tar tractanda nr. 2 èn activos sen www.surses.ch (rubrica politica & administraziun > radunanza communala > invitaziuns & tractandas). Sen giaveisch ins pò retrer u ampustar igl messadi e las actas correspondentas sen palpieri tar igls sarvetschs d’abitants dall’administraziun communala (telefon: 081 659 11 60 u e-mail: info@surses.ch).

Coordinaziun per pussebladad da carar an cuminanza (sen dumonda)
Persungas tgi dovran ena pussebladad da transport per neir alla radunanza communala resp. persungas tgi son porscher ena tala pussebladad, èn supplitgeidas da s’annunztgier igl de dalla radunanza comm. anfignen las 12.00 tar l’administraziun communala (telefon: 081 659 11 60). Igl cumegn sa sprova siva da coordinar igl viadi alla radunanza comm. e puspe anavos a tgesa. En dretg ad ena pussebladad da transport exista pero betg.


Tinizong, igls 9 da mars 2023                                  Suprastanza communala Surses