Lis d’inscunter an cass d’urgenza – Cumegn da Surses
Per tgi la communicaziun ed igl ageid aint igl cumegn funcziuneschan er an situaziuns d’urgenza e durant catastrofas, vignan definias schinumnos lis d’inscunter an cass d’urgenza. Chels èn betg refugis da protecziun, els servan sulettamaintg alla communicaziun.
Agls lis d’inscunter an cass d’urgenza infurmescha igl cumegn davart la situaziun actuala. La populaziun pò far lò cloms d’urgenza per alarmar las organisaziuns da gleisch blava. La populaziun pò er porscher ageid agl li d’inscunter an cass d’urgenza.
Lis d’inscunter an cass d’urgenza vignan mess an funcziun angal an cass concrets. Tals cass son esser l’interrupziun dalla reit da telefon e digl internet durant bleras ouras u blers deis. Er teratrembels e grevas maloras cun gronda forza da destrucziun son esser en muteiv da metter an funcziun tals lis.
Las posiziuns digls lis d’inscunter an cass d’urgenza aint igl noss cumegn cattez Vous cò:
- Julierstrasse 5, Bivio (Werkhof Municipio)
- Nalonder 1, Cunter (Altes Gemeindehaus)
- Pale Soura 4, Riom (MZG Riom)
- Tgaglias 1, Rona (Langlaufzentrum Rona)
- Veia Principala 27, Salouf (Schulhaus Salouf)
- Veia Grava 1, Savognin (MZG Grava)
- Veia da Flix 16, Sur (Altes Gemeindehaus)
- Veia Cantunala 69, Tinizong (Altes Gemeindehaus)
Vignigl mess an funcziun en li d’inscunter an cass d’urgenza, vign chegl communitgia sen la pagina web www.surses.ch, ainten las medias (gasettas, radio, tv, sarvetsch dad SMS) e sen Alertswiss (www.alertswiss.ch).
Tinizong, igls 23 da favrer 2023 Suprastanza communala Surses