Test da sirena digl 1. da favrer 2023

Mesemda, igl 1. da favrer 2023, on li ainten l’antiera Svizra igls tests da sirena «Alarm general» ed «Alarm d’ava».
Chels tests da sirena servan d’ena vart alla controlla dalla prontezza da funcziun tecnica dallas sirenas e dall’otra vart alla populaziun d’amprender a canoscher igls differents signals d’alarm, cugls quals la populaziun vign alarmada an prievels acuts. Igl n’è betg basignevel da piglier maseiras da sa cumportar e da siertad.

Dus segns d’alarm
Allas 13.30 vign activo per ena minuta, ainten l’antiera Svizra, igl segn «Alarm general», en tung regular anse ed angiu. La controlla da sirena dastga cuntinuar anfignen allas 14.00. A parteir dallas 14.00 anfignen igl pi tard allas 16.30 vign activo ainten territoris da prievels sot meirs da farmada igl segn «Alarm d’ava». El exista da dodesch tungs permanents bass da mintgamai 20 secundas an intervals da 10 secundas.

Reager andretg an cass d’alarm
Sch’igl «Alarm general» resunga ordvart igl taimp da test da sirena, monta chegl, tgi seia avantmang en prievel per la populaziun. An chel cass è la populaziun intimada da tadlar radio, suandar las prescripziuns dallas autoritads ed infurmar igls vaschigns. Igl «Alarm d’ava» monta tg’ins stò bandunar immediat igl territori periclito. Ulteriouras indicaziuns e reglas da cumportamaint èn da cattar sot http://www.alert.swiss e sen Teletext, pagina 680.

Tinizong, igls 23 da schaner 2023                     Direcziun cumegn da Surses