Grippa d’utschels: maseiras restrictivas per tot igls possessours da gaglinam

Siva digls amprems cass dalla pesta da gaglinam, ò igl Uffezi federal da siertad alimentara e fatgs veterinars (USAV/BLV) decidia an cunvignientscha cun igls cantuns, da defineir l’antiera Svizra scu territori da controlla. Per tigneir gaglinam da tgesa, utschels nudaders ed utschels curridours, valan ainten l’antiera Svizra las mademas reglas restrictivas. Tenor igl stadi d’ancunaschientscha actual, è la pesta da gaglinam contagiousa segl carstgang angal an cass fitg rars e contacts fitg strètgs.

Las maseiras suandontas valan er per travagls da hobi e pertotgan surtot la tigneida agl liber ed igl management da posts da pavlar e da bever, pero er las maseiras da siertad da bio e l’obligaziun d’annunztga digls allevatours e digls veterinaris.

Sen basa digl art. 10 dalla lescha veterinara cantunala, on igls cumegns d’annunztgier agl Uffezi per siertad alimentara e sanadad d’animals tot igls cass, noua tgi las prescripziuns digl decret digl USAV/BLV per impedeir la derasaziun dalla grippa d’utschels, vignan betg observadas.

Per impedeir la derasaziun dalla grippa d’utschels ègl impurtant d’evitar mintga contact tranter gaglinam da tgesa ed utschels selvadis. Per possessours da gaglinam vala perchegl a parteir dad immediat igl suandont:

  • betg tutgier aint utschels morts. Annunztgier igl li da cattada allas instanzas.
  • impedeir igl contact tranter utschels selvadis e gaglinam da tgesa.
  • separar andas, ocas e struts dad otras razzas da gaglinam.
  • restranscher la tigneida agl liber da gaglinam da tgesa sen en spazi saro giu digl clima d’oravant (per ex. veranda), u
  • restranscher la tigneida da gaglinam da tgesa agl liber sen en pro schurmagea d’ena reit.
  • contactar igl veterinari an cass d’utschels malsangs u morts.

 

Tinizong, igls 16 da schaner 2023                     Suprastanza communala Surses

  Mussar tot las novitads

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.