Demissiun d’ena commembra digl cunsegl da scola Surses

Per muteivs famigliars ò la commembra digl cunsegl da scola Surses, Sandra Meier, inoltro la sia demissiun avant taimp sen la fegn da december 2022. La perioda d’uffezi ordinaria cozza anfignen igls 31 da december 2023.

Schi ena commembra u en commember d’ena autoritad communala sorta durant la perioda d’uffezi per nunamporta qual muteiv, ègl da far tenor art. 13 dalla constituziun communala CC en’elecziun cumplementara per igl rest dalla perioda d’uffezi. Chegl pero angal schinavant tgi la proxima elecziun ordinaria n’ò betg li an terma digls proxims 9 meis.

La suprastanza ò fixo igl termin per las elecziuns communalas ordinarias sen igls 20 d’avost 2023. An applicaziun d’art. 13 CC ò la suprastanza communala decidia da far nign’elecziun cumplementara. Las commembras ed igls commembers restants digl cunsegl da scola reglan la liquidaziun digls affars anfignen la fegn dalla perioda d’uffezi actuala tranter els.

Nous supplitgagn da piglier cunaschientscha.

Tinizong, igls 16 da schaner 2023                     Suprastanza communala Surses