Activar igls sarvetschs d’abunamaint per esser segl current

Cun igl sarvetsch d’abo «novitads» per e-mail ed igl sarvetsch d’infurmaziun gratuit per SMS cumplettescha la vischnanca da Surses las diversas maseiras da communicaziun tgi èn neidas lantschedas igls ultims meis per pudeir infurmar la populaziun an Surses an moda detagleda e sperta.

Activaziun digl sarvetsch d’infurmaziun communal per SMS:
Lez Vous neir infurmos an cass d’evenimaints cun ageid digl sarvetsch d’infurmaziun per SMS? Alloura tarmatte cun igl Voss telefonign igl suandont text alla nomra 076 601 22 55: START 7453Surses

Activaziun digl sarvetsch d’abunamaint «Novitads» per e-mail:
Vous pudez retschever tot las novitads digl cumegn per e-mail! Abune igl noss sarvetsch d’abunamaint «Novitads» sur la pagina d’internet digl cumegn sot www.surses.ch cun registrar l’adressa dad e-mail e Vous survagniz mintga novitad publitgeida per e-mail.

Tinizong, igls 19 da december 2022                            Administraziun communala Surses