Surses: scumond absolut da far fi e da vidar fis artifizials er aint igl territori abito
Igl Uffezi da gôt e prievels dalla nateira ò decreto en scumond da far fi ainten grondas parts digl cantun. Per consequenza ò la direcziun digl cumegn da Surses relaschea en scumond absolut da far fi e da vidar fis artifizials aint igl antier territori digl cumegn da Surses, er aint igl territori abito.
Tgi la situaziun sa quieta, è da spitgier pir siva d’ena perioda da plievgia intensiva. Curts uradis u temporals vignan betg a pudeir mitigier la situaziun d’incendi privlousa – u alloura angal a curt taimp. Igl scumond absolut da far fi e da vidar fis artifizials vala anfignen tg’el vign revoco.
Igl è scumando da vidar fis artifizials (rachetas, vulcans etc.) a caschung dalla festa naziunala. Per muteivs da siertad ègl er scumando da far fis averts u d’utilisar grils da carvung sen igl territori privat. Igl adiever da grils da gas u grils electrics è lubia, schinavant tgi vign agea cun precauziun. Meds per stidar igl fi on d’esser parageas stringentamaintg.
Ulteriouras infurmaziuns pertutgont igl scumond absolut da far fi aint igl Grischun e la valetaziun dalla situaziun actuala èn da cattar sen la pagina-web digl Uffezi da gôt e prievels dalla nateira digl cantun Grischun: www.gr.ch/RM.
Tinizong, igls 25 da fanadour 2022 Suprastanza communala Surses