Prolungaziun digl termin da paer e far recurs pigls chints per la taxa da giasts e turissem

Aint igl process extern da stampar e tarmetter igls chints dalla taxa da giasts e turissem per la perioda digls 01-05-2022 anfignen igls 30-04-2023 è capito en sbagl da producziun: betg tot igls chints èn nias stampos e tarmess. Deplorablamaintg è igl sbagl nia scuvert pir pi tard dall’interpresa d’informatica responsabla. Igls chints èn alloura nias stampos e tarmess tiers, pero cugl datum digl chint uriund.

Tge consequenzas ò igl sbagl per igls retschaveiders digls chints?
Igl cuntign digls chints è correct, pero igl datum digl chint è sbaglea. Per evitar malampernevladads per igls retschaveiders digls chints e per respectar lours dretgs, vign igl termin da paer igl chint e da far recurs prolungo per tot igls chints dallas taxas da giasts e turissem. Scu datum decisiv digls chints vala igls 10 da zarcladour 2022.

Per dumondas stattan las collaboratouras ed igls collaboratours dalla partiziun da finanzas gugent a Vossa disposiziun (tel.: 081 659 11 77)

Nous ans stgisagn per eventualas incunvignientschas ed angraztgagn per la Vossa tgapientscha.

Tinizong, igls 14-06-2022                                                                            
Canzleia communala Surses