Tschartgea translatour/As (per surmiran e tudestg)
Igl lungatg uffizial digl cumegn da Surses è rumantsch surmiran. L’administraziun e la suprastanza communala èn premuradas da publitgier tot igls texts uffizials an rumantsch ed er an tudestg. Las translaziuns da texts rumanschts an tudestg e viceversa caschungan naturalmaintg ena gronda lavour supplementara.
Per sustigneir l’administraziun an lavours da translaziun tschertga igl cumegn persungas tgi èn interessadas da surpiglier sen dumonda lavours da translaziun da texts da different gener digl rumantsch surmiran an tudestg e digl tudestg an rumantsch surmiran.
Cundiziuns per surpiglier lavours da translatar èn:
- lungatg matern rumantsch surmiran cun fitg bungas cunaschientschas an scretg e da preferientscha cun experientscha da translatar
- bungas cunaschientschas digls programs da MS Office
- abilitad da luvrar da moda independenta ed exacta
- discreziun
I sa tracta d’en mandat liber cun indemnisaziun tenor tariffa usitada per sarvetschs da translaziun. Igl li da lavour è a tgesa.
Vez interess? Alloura Az supplitgainsa da contactar igl assistent digl mastral Daniel Kunfermann Maissen (081 659 11 64 u Daniel.KunfermannMaissen@surses.ch) per ulteriouras infurmaziuns.
Tinizong, igls 26 d’avregl 2022 Suprastanza communala Surses