Invitaziun alla radunanza communala Surses digls 29 d'avost 2022

Glindesde, igls 29 d'avost 2022, allas 20.00, vign salvada ena radunanza communala ainten la Sala Grava a Savognin.
L’invitaziun è neida tarmessa a tot las votantas e tot igls votants ainfer igl termin fixo.

Actas pertutgont la radunanza communala
Igl messadi è activo sen www.surses.ch (rubrica: politica & administraziun > radunanza communala > invitaziuns & tractandas). Sen giaveisch ins pò retrer u ampustar igl messadi sen palpieri tar igls sarvetschs d’abitants dall’administraziun communala a Tinizong (telefon: 081 659 11 60 u e-mail: info@surses.ch).

Coordinaziun per pussebladad da carar an cuminanza (sen dumonda)
Persungas tgi dovran ena pussebladad da pudeir carar ansemen cun ensatgi alla radunanza communala resp. persungas tgi pon porscher ena tala pussebladad, èn supplitgeidas da s’annunztgier igl de dalla radunanza communala anfignen las 12.00 tar l’administraziun communala (telefon 081 659 11 60). Igl cumegn sa sprova siva da coordinar igl viadi alla radunanza communala e puspe anavos a tgesa. En dretg ad ena pussebladad da transport exista pero betg.

Tinizong, igligls 16 d'avost 2022
Suprastanza communala Surses