Communicaziun dalla Regenza digls 3 da december 2020: Nov med d'instrucziun da lungatg an surmiran

La Regenza ò do gleisch verda per en nov med d'instrucziun da lungatg an surmiran dalla retscha "Mediomatix". An questa retscha da meds d'instrucziun èn gio neidas elavuradas e publitgeidas ediziuns an sursilvan, sutsilvan, puter e vallader.
Igl cumegn da Surses ò accepto igls 24 da fanadour 2020 l'iniziativa per reintrodueir igl surmiran an scola populara. Igls 27 d’avost 2020 on las votantas ed igls votants digls cumegns da Lantsch e d'Alvra piglia la madema decisiun. A parteir digl onn da scola 2021/22 meidan igls cumegns damaias digl rumantsch grischun anavos agl surmiran davent dalla 1. classa digl scalem primar, classa per classa d'onn da scola ad onn da scola. Perchegl vign mess a disposiziun la nova retscha da meds d'instrucziun da lungatg an surmiran. Igls costs totals da chest project importan circa 1,4 milliuns francs.

  Mussar tot las novitads