Digl Cube tar igl albiert da giuventetna Savognin: igl cumegn exequescha la compra

Igl anteriour hotel Cube a Savognin è uffizialmaintg an proprietad digl cumegn da Surses – l’execuziun antras igl codesch funsil è succedeida.

Igl mastral Daniel Wasescha commentescha: «Or digl Cube pò neir fatg ossa igl albiert da giuventetna Savognin. Ia ma legr fitg tgi la compra è gartageda – e sung igl madem mument pertschert dalla responsabladad tgi è ossa tar igl cumegn e tar sies partenaris.»

Janine Bunte, CEO digls Albierts da giuventetna svizzers: «Nous pigliagn ancunter chesta incumbensa cun grond angaschamaint ed ans legragn sen la collaboraziun. Nous ischan loschs da pudeir prestar ena contribuziun impurtanta agl svilup turistic dalla regiun.»

Ulteriour proceder: igl bietg cun radond 280 letgs vign transfurmo an en albiert da giuventetna e mano dall'uniun Albierts da giuventetna svizzers (SJH) per incumbensa digl cumegn. La reavertura è planisada sen l'antschatta dalla staschung d'anviern 2026/27.