Migliuraziun generala da Sur - Vendita da taragn da massa

Sa basond sen igl reglamaint per la repartiziun da taragn da massa venda la cumischung da migliuraziun Sur las parcellas tgi n’èn betg neidas reparteidas a caschung dalla nova repartiziun dalla migliuraziun generala Sur.

En plan an scala 1:6'000 e la glista dallas parcellas da massa, igl register da servituts scu er igl reglamaint per la repartiziun da taragn da massa èn exponias per invista tar igl uffezi da biagier digl cumegn  Surses digls 12-03-2026 anfignen igls 12-04-2026. Igls documaints ins pò consultar er sot  www.surses.ch – actualitads & medias – novitads.

Las parcellas da taragn da massa vignan vandeidas angal a proprietarias e proprietaris da taragn ainten la zona dalla migliuraziun generala Sur. Dumondas per la repartiziun da parcellas da taragn da massa ston neir inoltradas anfignen igl pi tard igls 12-04-2026, an scretg tar igl cumegn da Surses, cumischung da migliuraziun Sur, Veia Cantunala 57, 7453 Tinizong.

cumischung da migliuraziun sur