Meisa da mezde

Nous purschagn a tot las scolaras ed igls scolars tgi frequaintan aint igl cumegn da Surses la scoligna u la scola primara ed igl scalem superiour ena meisa da mezde survigilada.

Igls unfants on siva giantar la pussebladad da far tarmagls, da far lour pensums u er simplamaintg da pussar en mument.

Ouras d'avertura meisa da mezde

La meisa da mezde sa catta alla scola Barnagn ed è averta durant las emdas da scola mintgamai igl glindesde, marde, gievgia e venderde. La mesemda vign la meisa da mezde angal purscheida schi vagn aglmanc otg annunztgas.

I vignan purschias giantars equilibros e sangs. Igl plan da menus sa drezza allas scolaras ed agls scolars tgi fon adiever l'antier'emda dalla purscheida dalla meisa da mezde.

Sen giaveisch so neir fixo en discurs d'antrada tranter igls educatours autorisos e la manadra dalla meisa da mezde, Nina Carisch.

Annunztga per la meisa da mezde

  • Igls responsabels per l'educaziun annunztgan lour unfant(s) cun igl formular d'annunztga.
  • L'annunztga è lionta e vala per gl'antier onn.
  • La viseta da chella purscheita costa CHF 6.-- per unfant/giantar.
    Igls chints vignan tarmess 5x ad onn.
  • Las scolaras ed igls scolars vignan piglias se tenor antrada dall'annunztga.

Absenzas dalla meisa da mezde

Absenzas antras occurrenzas spezialas dalla scola (viadis da scola, deis da sport deis da skis, excursiuns e.u.a.) vignan dadas anavant dalla scolasta/digl scolast da classa alla meisa da mezde.

Tot las otras absenzas (p.ex. deis da jokers, termins da medi, termins da daintist, malsogna e.u.a.) ston neir communitgeidas antras  igls educatours autorisos mintgamai anfignen igl pi tard la dumang allas 8.00 per mail a: mensa@scolasurses.ch / telefon 081 659 11 90 u sur klapp. 

Diese Seite verwendet Cookies. Erfahren Sie in unserer Datenschutzerklärung mehr darüber, wie wir Cookies einsetzen und wie Sie Ihre Einstellungen ändern können.