Cultura an Surses

Tge capetta?

Exposiziuns, museums, musica, literatura, teater e solt. La tradiziun culturala e la diversitad òn gio da vigl annò influenzo la nossa val e dattan alla veta ena taimpra speziala.

Giovanni Segantini

Igl artist Giovanni Segantini, tgi è naschia igl 1858 ad Arco (Trentino) agl nord digl Lai da Garda, ò visito l'academia d'art Brera a Milang, ò vivia sessour ainten la Brianza ed è sa retratg igl 1886 an Svizra. Igl amprem è el sa caso cun la sia famiglia a Savognin.

Logo Museum Regiunal Savognin

Museum Regiunal Savognin

Chella tgesa è perdetga dalla nossa veta terrestra. Ainten las sias miraglias on vivia e luvro igls noss antenats. La veta da chel taimp era fitg povra, ma plagna da speranza. An respect digl spiert digl taimp Az darvignsa isch e porta.

Origen

Origen - punt retorumantscha tranter nord e sid

Igl nom Origen è rumantsch e monta derivanza, provegnientscha, creaziun –
correspondentamaintg è igl program digl festival en confess alla forza culturala d'ena regiun trilingua, tgi veiva digl barat.

L'instituziun culturala Origen realisescha mintg'onn igl «Origen Festival Cultural» aint igl Grischun e sa deditgescha an spezial alla promoziun e producziun da teater da musica nov e professiunal. Origen ò en'atgna tgesa: igl casti da Riom è nia biagia or ed avert igl 2006 per producziuns da teater. Origen n'è betg en ghetto alpin d'en lungatg muribunt, mabagn ena perdetga d'ena cuminanza linguistica viveida, tgi risca adegna puspe da nov igl experimaint «cultura».

Thumbnail Spassegio cultural Broschüre

Spassegio cultural tras Savognin

Igl Spassegio cultural tras vischnanca az magna sper 11 tavlas d'infurmaziun ve, noua tgi gl'èn documentos interessants evenimaints istorics e fatgs culturals dalla vischnanca da Savognin. Uscheia pudez amprender daple davart Giovanni Segantini, la situaziun da traffic d'antrouras a Savognin e diveras pardetgas dall'istorgia, tgi èn da vuseir anc oz an vischnanca.

Ainten la broschura agiuntada cattez infurmaziuns pertutgont tot las tavlas d'infurmaziun per rumantsch, tudestg, taliang ed engles. Er ena carta cun aint igls lis dallas singulas tavlas è integrada. La broschura ins pogl retrer tigl biro turistic, tar l'administraziun communala a Tinizong scu er ainten diversas buteias ed ustareias.

Nous az giavischagn bler divertimaint tigl scuvreir la noss'istorgia.