Bavegna ALla scola Surses

Bavegna alla Scola Surses

Alla scola populara Surses instrueschan radond 35 persungas d'instrucziun an pensums cumplagns e parzials 180 scolaras e scolars. La scola vign manada strategicamaintg digl cunsegl da scola ed igl manader da scola è responsabel per la direcziun operativa. La Scola Surses vign manada an treis lis da scola.

Lungatgs da scola

Igl lungatg da scola alla scoligna ed alla scola primara è rumantsch cun excepziun dalla fracziun Beiva an la quala vign instruia taliang/tudestg. A parteir dalla 3. classa vign instruia tudestg scu amprem lungatg ester. A parteir dalla        5. classa vign instruia engles scu sagond lungatg ester. Agl scalem superiour vign instruia schibagn an tudestg scu er an rumantsch. Las scolaras ed igls scolars da Beiva survignan er enqualtgi lecziun da taliang per emda.


Igl scalem secundar I vign mano an model C cun dus gruppas da nivels aint igls roms tudestg, rumantsch, matematica ed engles. La Scola Surses amprova da tigneir chint agls giaveischs dad ena societad moderna cun porscher ena meisa da mezde survigilada  per las scolaras ed igls scolars da scoligna anfignen igls scalem superiour.

Alla Scola Surses vignan scolaras e scolars cun basigns spezials promovias da moda integrativa.