Meisa da mezde

Manadra: Saner Irma, collaboratoura: Cadotsch Marlise, 
survigilaziun: Plaz Luzia, Soltani Evelyn

Nous purschagn allas scolaras ed agls scolars da scoligna, dalla scola primara e dalla scola superioura tgi frequaintan la scola aint igl cumegn Surses ena meisa da mezde survigilada. I vignan purschias giantars equilibros e sangs. Igl plan da menus sa drezza allas scolaras ed agls scolars tgi fon adiever tot emda dalla purscheida dalla meisa da mezde.

La meisa da mezde sa catta alla scola Barnagn ed è averta durant las emdas da scola mintgamai igl glindesde, marde, gievgia e venderde.

Annunztga meisa da mezde

Igls educatours autorisos annunztgan igl(s) sies unfant(s) cun igl formular d'annunztga per gl'antier onn da scola. La recepziun dalla scolaras e digls scolars succeda tenor antrada dallas annunztgas.

Sen giaveisch so neir fixo en discurs d'antrada tranter igls educatours autorisos e la manadra dalla meisa da mezde.

Dennunztga dalla meisa da mezde

Absenzas antras viadis da scola, deis da sport da skis e da jokers vignan dadas anavant dalla scolasta/digl scolast da classa alla meisa da mezde.

Tot las otras absenzas (p.ex. termins da medi, da daintist, malsogna ston neir communitgeidas antras  igls educatours autorisos mintgamai anfignen igl pi tard la dumang allas 8.00. La manadra dalla meisa da mezde è contanschibla glindesde, marde, gievgia e venderde mintgamai dallas 07:30-08.00 per telefon  079 331 85 44 u per e-mail: mensa@scolasurses.ch.