Meisa da mezde

Manadra: Seraina Cavelti, collaboratour: Adrian Cavelti

Nous purschagn allas scolaras ed agls scolars da scoligna, dalla scola primara e dalla scola superioura tgi frequaintan la scola aint igl cumegn Surses ena meisa da mezde survigilada.

Las scolaras ed igls scolars on la pussebladad da far tarmagls da far igls pensums u er eneda simplamaintg da pussar en mument.

Ouras d'avertura meisa da mezde

La meisa da mezde sa catta alla scola Barnagn ed è averta durant las emdas da scola mintgamai igl glindesde, marde, gievgia e venderde. La mesemda vign la meisa da mezde angal purscheida schi vagn aglmanc otg annunztgas.

I vignan purschias giantars equilibros e sangs. Igl plan da menus sa drezza allas scolaras ed agls scolars tgi fon adiever l'antier'emda dalla purscheida dalla meisa da mezde.

Sen giaveisch so neir fixo en discurs d'antrada tranter igls educatours autorisos e la manadra dalla meisa da mezde, Seraina Cavelti.

Annunztga per la meisa da mezde

Igls responsabels per l'educaziun annunztgan igl(s) sies unfant(s) cun igl formular d'annunztga.

L'annunztga per la meisa da mezde è lionta e vala per gl'antier onn. 
La viseta da chella purscheida costa. Giantar fr. 6.-- per unfant/per giantar.
Igls chints vignan tarmess 5x ad onn.

Las scolaras ed igls scolars vignan piglias se tenor antrada dallas annunztgas.

Absenzas dalla meisa da mezde


Absenzas antras occurrenzas spezialas dalla scola (viadis da scola, deis da sport deis da skis, excursiuns e.u.a.) vignan dadas anavant dalla scolasta/digl scolast da classa alla meisa da mezde.

Tot las otras absenzas (p.ex. deis da jokers, termins da medi, termins da daintist, malsogna e.u.a.) ston neir communitgeidas antras  igls educatours autorisos mintgamai anfignen igl pi tard la dumang allas 8.00. La manadra dalla meisa da mezde è contanschibla glindesde, marde, gievgia e venderde mintgamai dallas 07.45-08.00 per telefon  079 331 85 44 u per e-mail: mensa@scolasurses.ch.